《手與手》
今天是值得記下的一天，確是感恩!!
首先單車從斜路衝落黎再炒車，看似是很糟糕的事。我想講，當我手掙狂滴血嘅時候，有4，5個途人熱心幫忙當軍師，不停送上膠布(雖然膠布已經幫唔到我)。然後我直衝上去單車鋪找急救用品，有另一途人突然從背囊拿出一袋急救用品，原來佢係聖約翰救傷隊!!!!神績!!!!單車鋪老闆借地方急救，再送上愛心蒸餾水😱😱😱感恩!!
傷口不細，直衝上診所搵救援，點知搵左4間都full 冇人幫到我，但依然冇放棄，終於遇到一位醫德無量嘅醫生，超細心幫我洗傷口，但由於太嚴重，佢要我即刻去醫院打針洗傷口。好……直衝去急症，冇耐就有位醫生開始氹小朋友咁氹我打針，洗傷口~~😂😂因為我太怕打針啦，最後遇到位同姓嘅姑娘，幫我逐個傷口洗哂啲沙出黎~痛到麻痺冇知覺，佢話如果唔係一開始有人幫我洗左咁多沙石出黎，而家都唔會咁順利!!!!
我即刻回顧番成件事，真係一路上都係貴人，天使，感恩!!!!!!除左發現原來香港人每人都有膠布喺身外，其實香港真係好多有心人!!!
好似相入面一樣，一雙手幫助另一雙手，另一雙手再幫助下一雙手……把愛傳下去~~~
Its a good idea.....幫助一個人，就少一個佰生人，人與人就會更近。
一起把愛傳下去吧!!!!
Search